من الموافقة للنشر

كل بوست بيستنى موافقتك، ومفيش حاجة بتتنشر من غيرها. أول ما توافق، شكل البراندينج بيتقفل والصورة اللي هتنزّلها بتفضل زي ما هي.

بعد الموافقة بتلاقي زرارين: تنزيل الصورة بأعلى جودة، ونسخ الكابشن. تنشرهم على فيسبوك أو إنستجرام أو أي مكان بنفسك، من موبايلك عادي. يافطة ما بتدخلش على حسابك إلا لو ربطته بنفسك.

دوس «نشرته خلاص» بعد ما تنشر، عشان يافطة تحسبه وتعرف تجدولك بعده. دوستها بالغلط؟ شيل العلامة وهيرجع جاهز للنشر.

من «الحسابات» اربط صفحة فيسبوك أو حساب إنستجرام. بعدها أي بوست توافق عليه وليه ميعاد بينزل لوحده في ميعاده، وأرقامه بترجع على البوست نفسه. ولو الصفحة بطّلت تقبل النشر، هتلاقي ده مكتوب هنا مع زرار الربط من جديد.