نجهّز مطعمك

عربي أو إنجليزي، اللي مكتوب على يافطتك فعلًا. بتكتبه مرة واحدة، ويافطة بتجهّز النسخة التانية لوحدها وتقدر تصححها بعدين من الإعدادات. والفرع والتليفون والعنوان بيتكتبوا على البوسترات وبيدخلوا في الكابشن، فاكتبهم صح من الأول.

اللوجو بيتحط على البوستات زي ما هو، مش بيترسم، عشان يفضل هو هو. والألوان بنقراها من اللوجو وبتتحط على البوسترات. وصور المكان بتخلي بوستات «جوه مطعمك» تتصور في مطعمك إنت. الخطوة دي ممكن تعدّيها وترجعلها من المكتبة في أي وقت.

اكتب اسم الطبق وسعره ودوس «زوّد طبق». ولو المنيو بتاعك مطبوع، صوّره وإحنا بنقرا منه الأطباق والأسعار وإنت بتراجعها. الأسعار دي هي اللي بتتكتب في البوستات، مفيش رقم بيتكتب من عندنا.

كل طبق كتبته بيبقى له مكان لصورته. صورة بالموبايل كفاية، وطبق واحد بصورة يكفي تبدأ. دي الخطوة الوحيدة اللي مش بتعدّي من غيرها: كل بوست بيتصوّر من صورتك إنت، ومن غير صورة مفيش بوست.

أول ما تخلص، يافطة بتختار طبق من اللي ضفتهم وتجهّزلك بوست كامل: صورة وكابشن. إنت بس هتوافق. ولو حبيت ترجع تصلّح اسم المطعم أو الفرع، فيه زرار رجوع في كل خطوة، والشريط الجانبي شايل الأربع خطوات قدامك طول الوقت.